Jahonning 5-raqamli raketkasi Andrey Rublevning xabar berishicha, u koronavirusga chalingan.
“Hozir Barselonadaman va afsuski, KOVIDga qarshi topshirgan test natijalarim ijobiy chiqdi. Bu xabardan so‘ng darhol o‘zimni izolyasiyaga oldim va shifokorlar ko‘rsatmasi bo‘yicha davolanayapman.
Barchaga yaxshi ma’lumki, men koronavirusga qarshi to‘liq emlanganman va ATP hamda Australian Open turnirlarida ishtirok etishga tayyorman.
Sizlardan iltimos, o‘zingiz va atrofdagilaringizni asrang. Men esa imkon boricha tezroq kortga qaytishga harakat qilaman” – deb yozib qoldirdi Rublev ijtimoiy tarmoqlardagi sahifasida.
16-18 dekabr kunlari rossiyalik tennischi Abu-Dabidagi musobaqada ishtirok etgandi. Ana shundan so‘ng Rafael Nadal va uning murabbiyi Karlos Moya, shuningdek Denis Shapovalov, Belinda Benchich va Ons Jaberlarda ham KOVID aniqlandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!