Gaz quyish shoxobchasida Nexia-3 mashinasiga oʻrnatilgan gaz ballonida chaqnash sodir boʻlgan.

25-fevral, bugun soat 11:00 larda Samarqand shahar Hunarmandlar MFY Bedil koʻchasida joylashgan “Kamalak” MCHJga qarashli avtomobillarga siqilgan gaz quyish shoxobchasida shoxobcha ishchisi Pastdargʻom tumani Gulobod MFYda yashagan, 1980-yilda tugʻilgan M.Z., ushbu shoxobchaga siqilgan gaz quyish maqsadida kelgan haydovchi 1994-yilda tugʻilgan H.D. boshqaruvida boʻlgan Neksiya-3 rusumli avtomashinaga gaz quyayotganda, bagaj qismiga oʻrnatilgan gaz ballonining yorilib ketishi natijasida chaqnash sodir boʻlgan.

Hodisa oqibatida MCHJ ishchisi M.Z. tan jarohatlari olib, voqea joyida vafot etgan.

Mazkur holat yuzasidan dastlabki surishtiruv ishlari olib borilmoqda.

• AYQSh
• Samarqand
• portlash