Qozog‘iston prezidenti Qosim-Jo‘mart To‘qayev O‘zbekiston Prezidenti Shavkat Mirziyoyev bilan telefon orqali muloqot qildi. Bu haqida Prezident matbuot xizmati xabar berdi.

Ma’lum qilinishicha, suhbat chog‘ida davlat rahbarlari Qozog‘iston va O‘zbekiston o‘rtasidagi strategik sheriklikni yanada rivojlantirish yuzasidan fikr almashgan. Prezidentlar ikki davlat hukumatlari rahbariyati darajasidagi muzokaralar jarayonini faollashtirishga kelishib olgan.

To‘qayev va Shavkat Mirziyoyev siyosiy, savdo-iqtisodiy, sarmoyaviy, transport-tranzit, madaniy-gumanitar hamkorlikning muhim jihatlarini muhokama qilib, mintaqada barqarorlik va xavfsizlikni ta’minlashga alohida e’tibor qaratgan.

• Qozog‘iston
• Shavkat Mirziyoyev