Ma’lumotlarga ko‘ra, Xitoy va AQSh delegatsiyalari tomonidan Ispaniyaning poytaxti Madridda bo‘lib o‘tadigan tarif muzokaralarida ma’lumotlar xavfsizligi bilan bog‘liq sabablarga ko‘ra uzatilishi yoki yopilishi kun tartibida bo‘lgan ijtimoiy media ilovasi TikTok’ning holati ham muhokama qilinishi bildirildi.

Har ikki tomonning bayonotlarida, delegatsiyalar 14-17-sentyabr kunlari bo‘lib o‘tadigan muzokaralar chog‘ida ikki tomonlama iqtisodiy va tijorat masalalari, shuningdek, TikTok maqomi muhokama qilinishi bildirildi.

Xitoy Savdo vazirligi bayonotida Pekin ma’muriyati bu masala bo‘yicha o‘zining qonuniy huquq va manfaatlarini himoya qilishga qat’iy qaror qilgani va bu masalani qonun va qoidalarga muvofiq baholashini ta’kidladi.

Bayonotda, Xitoy hukumati ma’lumotlarning maxfiyligi va xavfsizligiga katta ahamiyat berayotgani va hech bir kompaniya yoki shaxsdan chet davlat qonunlariga zid ravishda shaxsiy ma’lumotlarni to‘plash va uzatishni talab qilmasligi ta’kidlandi.

AQSh Kongressining Vakillar palatasi 2024-yil 13-martda bo‘lib o‘tgan ovoz berishda “Amerikaliklarni xorijiy dushmanlar tomonidan boshqariladigan ilovalardan himoya qilish to‘g‘risida”gi qonunni ko‘pchilik ovoz bilan ma’qulladi. AQSh Senati ham qabul qilgan qonun loyihasi 2024-yil 24-aprelda o‘sha paytdagi prezident Jo Baydenning imzosi bilan kuchga kirdi.

TikTok’ni “milliy xavfsizlikka tahdid solishi” sababli taqiqlashga yo‘l ochadigan qonun, uning bosh kompaniyasi ByteDance platformani AQSh kompaniyasiga topshirishi shart, aks holda ilova AQShda taqiqlanadi.

Taqiqga qarshi bo‘lganlar, TikTok AQSh fuqarolarining ma’lumotlarini yig‘ib, Xitoyga uzatayotgani haqidagi da’vo isbotga muhtojligini va ilovani taqiqlash “so‘z erkinligini cheklash” bilan teng bo‘lishini aytishadi.

Boshqa tomondan, TikTok rahbariyati ma’lumotlar xavfsizligi buzilishi haqidagi da’volar haqiqatni aks ettirmasligini va ular AQShdagi boshqa ijtimoiy media platformalari kabi to‘liq Amerika qonunlariga muvofiq ishlayotganini da’vo qilmoqda.

• AQSh
• TikTok
• Xitoy