Shimoliy Koreyada oʻrta maktab oʻquvchisi Janubiy Koreyada suratga olingan filmni 5 daqiqa tomosha qilgani uchun 14 yillik qamoq jazosiga hukm qilindi.
Xesan viloyatida yashovchi Xan ismli 14 yoshli oʻspirinning jazolanishiga “The Man from Nowhere” filmini tomosha qilgani sabab boʻlgan.
Shimoliy Koreya qonunlariga koʻra, Janubiy Koreya filmlari, kitoblari, qoʻshiqlari, suratlarini saqlagan, tinglagan yoki tomosha qilgan fuqarolar 5 yildan 15 yilgacha majburiy mehnatga mahkum qilinishi mumkin.
KXDR hukumati oʻz fuqarolari oʻrtasida Janubiy Koreya filmlari hamda teledasturlarining mashhur ekanligini yaxshi biladi, shuning uchun ham voyaga yetmagan shaxslarga nisbatan bunday jazo choralarini qoʻllash orqali ularni yaxshigina qoʻrqitish, hukumat qonun buzilgan holatda oʻsmirlarni ham ayab oʻtirmasligini koʻrsatib qoʻyishga harakat qilmoqda.
Oʻquvchining film tomosha qilgani uchun uning ota-onasiga nisbatan ham jazo choralari qoʻllanilishi mumkin.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!