Avvalroq, Maldiv orollarida bo‘lgan Shri-Lankaning sobiq prezidenti Gotabaya  Rajapaksa Singapurdan boshpana topgani haqida xabar berilgandi.

Maldiv orollari vakilining mahalliy OAVga tushuntirishicha, Rajapaksa Saudiya havo yo‘llari samolyotiga o‘tirib ketgan. U prezidentni oldin Singapurga, keyin esa u yerdan Saudiyaning Jidda shahriga olib boradi.

Ma’lum qilinishicha, Shri-Lankaning sobiq rahbariga rafiqasi va ikki tansoqchisi hamrohlik qilmoqda.

Shri-Lankadagi namoyishlar:

Joriy yilning 9-iyul kuni orol davlatni hukumatga qarshi keng ko‘lamli aksiyalar qamrab oldi. Namoyishchilar Shri-Lanka hukumatining iste’foga chiqishini talab qilmoqda. Yuzlab namoyishchilar barrikadalarni buzib o‘tib, prezident Gotabay Rajapaksaning rasmiy qarorgohi va idorasi joylashgan kampusga kirishgan. O‘sha paytda prezident kampusni tark etgan, uni xavfsiz joyga olib ketishgan.

Qolaversa, siyosiy partiyalar yetakchilari Shri-Lanka prezidenti Gotabay Rajapaksa va bosh vazir Ranil Vikremesingening iste’fosini talab qilishgan. Bunga javoban Vikremesinge iste’foga chiqish va yangi hukumatni shakllantirishga tayyorligini ma’lum qilgan.

Mamlakat prezidenti Gotabaya Rajapaksa ham namoyishchilar talablariga rozi bo‘lib 13-iyul kuni iste’foga chiqdi va mamlakatdan qochib ketdi. U avval Moldiv orollaridan panoh topgan bo‘lsa, keyin Singapurga siyosiy boshpana so‘rab murojaat qildi.

• Prezident
• Qochoq
• Saudiya Arabistoni
• Shri-Lanka
• Singapur