Ijtimoiy tarmoqlarda SSV vaziri Behzod Musayevning 2022 yil 24 martda imzolangan “Tibbiyot xodimlarining odob-axloq kodeksini tasdiqlash to‘g‘risida”gi 88-sonli buyrug‘i surati tarqalmoqda.

Mazkur hujjatga muvofiq, shu kunga qadar amalda bo‘lgan 2016 yil 20 yanvarda sobiq vazir Anvar Alimov tomonidan imzolangan 34-sonli buyrug‘i bilan tasdiqlangan “Axloq kodeksi” o‘z kuchini yo‘qotgan. 

Musayev imzolagan yangi buyruqqa ko‘ra, endilikda tizimda ishlovchi ayol xodimlar hamda tizimga aloqador o‘quv muassasalari talaba-qizlari hijob va boshqa diniy kiyim-boshlarda yurishlari mumkin bo‘ladi.

Ya’ni, yuqoridagi hujjat bilan tibbiyot xodimlariga “hijob va boshqa diniy kiyim-boshlarda yurish” bo‘yicha ta’qiq olib tashlandi.

Deputat Kusherbayevga ko‘ra, O‘zbekiston Respublikasining amaldagi qonunlarida fuqarolarga hijob va boshqa diniy kiyimlarda yurish bo‘yicha cheklovlar mavjud emas.

• Ayollar
• SSV
• Tibbiyot
• hijob