Rossiyalik olimlar quyoshda eng yuqori chaqnashni qayd etdilar. Ma’lumotlar Amaliy geofizika institutining kosmik ob-havo monitoringi markazi tomonidan taqdim etilgan.

Qayd etilishicha, bu bir hafta ichida ikkinchi marotaba sodir bo‘lgan.

“5-may kuni Moskva vaqti bilan soat 09:01 da 3663 (N24W22) quyosh dog‘lari guruhidagi rentgen diapazonida 20 daqiqa davom etgan X1.3 chaqnashi aniqlandi”, — deyiladi xabarda.

Olimlarning taxminlariga ko‘ra, 2024-yilda Quyosh faollikning yangi cho‘qqisiga chiqadi. Bu esa magnit bo‘ronlari sonining ko‘payishiga olib kelishi mumkin. Quyosh sikli esa to‘qqiz yildan 14 yilgacha davom etishi mumkin va oxirgi quyosh maksimali 2013-yilda qayd etilgan.

• Quyosh
• Rossiya