Janubi-gʼarbiy maxsus harbiy okrug tasarrufidagi Termiz umumqoʼshin dala paligonida tuzilmalarning Quruqlikdagi qoʼshinlar havo hujumidan mudofaa boʼlinmalari bilan oʼquv-uslubiy yigʼin boshlandi. Bu haqda Mudofaa vazirligi matbuot xizmati xabar berdi.

Yigʼinning ochilish marosimida Janubi-gʼarbiy maxsus harbiy okrug Quruqlikdagi qoʼshinlar havo hujumidan mudofaa boʼlimi boshligʼi, podpolkovnik Dilmurod Sheraliyev ishtirok etib, qoʼshinlarimizning jangovar tayyorgarlik darajasini dunyoning eng ilgʼor armiyalari bilan tenglashtirish uchun harbiy qism va muassasalarda barcha moddiy-texnik asoslar, harbiy xizmatchilarga zarur shart-sharoitlar yaratilganini qayd etgan.

Shundan soʼng yigʼin ishtirokchilarining mashgʼulotlarga tayyorgarligi, xususan, ularning qurol-yaroqlari, yuk qoplari, komandirlik sumkalari va hujjatlari koʼrikdan oʼtkazilgan. Shuningdek, harbiy xizmatchilarga maxsus va texnik hamda jismoniy tayyorgarlik jarayonlarini yangicha usullarda olib borish yuzasidan tegishli koʼrsatmalar berilgan.

Yigʼin joriy yilning 16-noyabr kuniga qadar davom etadi.

• Mudofaa
• harbiy xizmat