O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakil devoni tomonidan Toshkent viloyatida joylashgan kichik sanoat zonalaridagi tadbirkorlik subyektlari bilan uchrashuvlar o‘tkazib kelinmoqda.

O‘tkazilayotgan uchrashuvlar davomida korxonalarning to‘liq quvvat bilan ishlatishda yuzaga kelayotgan muammolar o‘rganilib ularni barataraf etish bo‘yicha tadbirkorlar va soha mutaxassislarining xulosalari olinmoqda.

Chirchiq, Olmaliq, Bekobod shahar va Ohangaron tumanidagi kichik sanoat zonalarida joylashgan tadbirkorlar tomonidan elektr ta’minoti bilan bog‘liq muammolarni sanab o‘tilgan bo‘lsa, O‘rtachirchiq va Ohangaron tumanidagi kichik sanoat zonasida faoliyat yuritayotgan tadbirkorlar ichimlik suvi, kanalizatsiya tarmog‘iga ulanish va yo‘l bilan bog‘liq muammolar yechimini topishda amaliy yordam so‘rganlar.

Shuningdek ayrim tadbirkorlar tomonidan ma’lum bir preferensiyalar evaziga katta quvvatli elektr tarmog‘ini tortib keltirish va podstansiyalar o‘rnatish bilan bog‘liq xarajatlarni qoplab berish takliflari bildirilganligini inobatga olgan holda Biznes Ombudsman va soha mutaxissislarini jalb etgan holda amaldagi qonunchilikka o‘zgartirishlar kiritish bo‘yicha takliflar tayyorlanmoqda.

Biznes Vakil devoni matbuot xizmati

• Tadbirkorlik
• Toshkent viloyati