O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakil devonining Toshkent viloyati hududiy shubasi tomonidan Tekshiruvlarni muvofiqlashtirish yo‘nalishida ularni qisqartirish va tadbirkorlar faoliyatiga asossiz aralashuvlarini oldini olish choralari ko‘rilmoqda. Xususan o‘tgan yil davomida viloyatdagi 27 ta nazorat organi tomonidan tadbirkorlar faoliyatida 7 000 dan ziyod  tekshiruvlar o‘tkazilgan bo‘lib, o‘tkazilgan tekshiruvlarning 65 foizi soliq va 20 foizi favqulodda vaziyatlar organlari hissasiga to‘g‘ri kelmoqda.

Nazorat organlari tomonidan o‘tkazilgan nazorat tadbirlari tahliliga ko‘ra tekshirish o‘tkazgan xodimlar tomonidan  60 ga yaqin noqonuniy tekshirish va tekshirish o‘tkazish tartibini buzish holatlariga yo‘l qo‘yilganligi aniqlandi.

Tadbirkorlik subyektlarida tekshirish o‘tkazishning belgilangan tartibiga rioya etmaslik holatlariga asosan O‘simliklar karantini agentligi, soliq, Sanitariya-epidemiologik osoyishtalik va jamoat salomatligi boshqarmalari va qurilish sohasida hududiy nazorat inspeksiyasi xodimlari tomonidan yo‘l qo‘yilgan. Ushbu qonunbuzilishi holatlari yuzasidan nazorat qiluvchi organlarning 62 nafar mansabdor shaxslariga nisbatan ma’muriy bayonnoma rasmiylashtirilib tegishli choralar ko‘rilishi ta’minlandi.

Vakil Devoni tomonidan bu boradagi nazorat tadbirlari davom ettirilmoqda.

Biznes Vakil devoni matbuot xizmati.

• Sanitariya
• Tadbirkorlik