Qozog‘iston prezidenti Qasim-Jo‘mart To‘qayev mamlakat Xavfsizlik kengashiga maxsus operatsiya kuchlarini tuzish bo‘yicha ishlarni tezlashtirish va milliy xavfsizlik tizimini isloh qilish bo‘yicha aniq takliflar kiritishni topshirgan.
Bugun, 15-yanvar kuni To‘qayev raisligida, vakolatli davlat organlari rahbarlari ishtirokida yig‘ilish bo‘lib o‘tdi.
Ma’lum qilinishicha, yig‘ilishda Bosh prokuratura, Milliy xavfsizlik qo‘mitasi, mudofaa va ichki ishlar vazirliklari, shuningdek, Qozog‘iston Prezidenti ma’muriyati va Xavfsizlik kengashi rahbariyati vakillari ishtirok etgan.
Ushbu yig‘ilishda, prezidentga joriy yil yanvar oyining birinchi o‘n kunligida bir qator hududlarda sodir bo‘lgan voqealar yuzasidan sudgacha tergovning borishi, o‘tkazilgan maxsus topshiriqlarr yakunlari, jumladan, aholi xavfsizligi va huquq-tartibotni ta’minlashga qaratilgan boshqa chora-tadbirlar to‘g‘risida bir qator ma’lumotlar berilgan.
Yig‘ilish yakunida To‘qayev qator aniq topshiriqlar berib o‘tgan. Unga ko‘ra, Qozog‘istonda Olmaotada sodir bo‘lgan fojiali voqealarni har tomonlama chuqur o‘rganish, tinch aholidan qurbonlar sonini aniqlash, o‘ta og‘ir vaziyatlarda huquqni muhofaza qilish organlarining harakatlarini muvofiqlashtirish bo‘yicha yangi me’yoriy-huquqiy bazani ishlab chiqish masalalariga alohida e’tibor qaratilgan.
Qozog‘iston prezidenti aksilterror operatsiyasi davomida fuqarolar huquqlari buzilishining oldini olish va tergov harakatlarini o‘tkazish muhimligini alohida ta’kidladi, deyiladi xabarda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!