16-oktabr sanasidan boshlab Toshkent Markaziy vokzali o‘z faoliyatini avvalgi jadval bo‘yicha boshlaydi. Bu haqda “O‘ztemiryo‘lyo‘lovchi” AJ xabar berdi.

Xabarga ko‘ra, yuqori tezlikda harakatlanuvchi “Afrosiyob”, tezyurar “Sharq”, “Nasaf”, “O‘zbekiston” poyezdlari va “Toshkent – Volgograd – Toshkent” yo‘nalishida harakatlanuvchi yo‘lovchi poyezdlar avvalgidek Toshkent Markaziy vokzalidan harakatlanadi hamda hozirda Toshkent Markaziy vokzali va To‘qimachi bekatidan harakatlanayotgan shaharlararo Xojikent, Guliston, Angren, Xavast, Bekobod yo‘nalishlaridagi poyezdlar 16-oktabr sanasidan boshlab Toshkent Janubiy vokzalidan harakatlanadi.

Ma’lumot uchun, 2023-yilning 15-sentabridan 15-oktabr sanasigacha To‘qimachi bekatida modernizatsiya ishlari olib borilishi munosabati bilan Toshkent Markaziy vokzalidan harakatlanadigan yo‘lovchi poyezdlar mazkur muddat ichida Toshkent Janubiy vokzalidan harakatlanayotgan edi.

• Afrosiyob
• Toshkent