$
10803.97 UZS
-14.03
136.82 UZS
-0.87
12194.44 UZS
-15.84
18° Kechasi

Toshkent metropoliteni parki yana 14ta poyezdga to‘ldiriladi

12:56 / 27.12.2021

“Toshkent metropoliteni” DUK parki Rossiyadan keltiriladigan 14ta harakat tarkibi bilan to‘ldiriladi.

Davlat unitar korxonasi Matbuot xizmatining qayd etishicha, 2020-yil hisobida “Toshkent metropoliteni”da kunlik yo‘lovchi tashish o‘rta hisobda 250-300 mingni tashkil etgan bo‘lsa, hozirgi kunga kelib 380-420 ming yo‘lovchini tashkil etmoqda. Bu esa metro bekatlarida tirbandliklarni yuzaga keltirmoqda.

Mazkur muammolarni bartaraf etish maqsadida “Toshkent metropoliteni” DUK tomonidan o‘tgan vaqt mobaynida, shu kunga qadar, Rossiyaning “Metrovagonmash” korxonasi tomonidan ishlab chiqarilgan zamonaviy 60 ta vagondan iborat 15 ta harakat tarkibi olib kelingan (91,3 million yevroga).

Bundan tashqari, yo‘lovchilar qatnovi tig‘iz bo‘lgan vaqtlarda poyezdlar harakatidagi oraliq vaqt intervallari “Chilonzor” yo‘nalishida 3 daqiqagacha, “O‘zbekiston” yo‘nalishida yesa 4 daqiqagacha, “Yunusobod” yo‘nalishida yesa 7 daqiqani tashkil etmoqda.

Shuningdek, ushbu muammoni hal etish maqsadida korxona yuqorida ta’kidlanganidek, 2022-yilda 14 ta harakat tarkibi xarid qilishni rejalashtirgan.

 


O‘zbekiston