Olmaliq shahrida qurilayotgan 9 qavatli uy xavfsizlik talablariga javob bermasligi holati Qurilish va uy-joy kommunal xoʻjaligi vazirligi tomonidan oʻrganilgan.
Qayd etilishicha, “I.Karimov” MFYda qurilayotgan bu koʻp qavatli bino haqiqatda talablarga javob bermayotgani aniqlangan.
Unga koʻra:
– “Zilzilaviy hududlarda qurilish” meʼyor talablari buzilgan holda kotlovan tayyorgarligi toʻgʻrisida geolog dalolatnomasi va zamin tuproq qatlami zichligi boʻyicha laboratoriya xulosalari toʻliq rasmiylashtirilmagan.
– obyektning barcha qavatlarini koʻtarishda SHNQ 2.01.03-19 “Zilzilaviy hududlarda qurilish” meʼyor talablari buzilgan holda monolit-beton konstruksiyalarning mustahkamligi boʻyicha laboratoriya sinovlarining xulosalari olinmagan;
– obyektda texnika xavfsizligi qoidalariga rioya etilmagan.
Maʼlum qilinishicha, bugungi kunda qurilish montaj ishlari vaqtincha toʻxtatilgan. Pudrat tashkiloti rahbari Oʻzbekiston Respublikasi maʼmuriy javobgarlik toʻgʻrisidagi kodeksning 99-moddasiga asosan jarimaga tortilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!