Toshkentda fuqaro kanalizatsiya quvurini ta’mirlash maqsadida qazilgan chuqurga tushib ketdi. Bu haqda Toshkent shahar favqulodda vaziyatlar boshqarmasi matbuot xizmati xabar berdi.

Qayd etilishicha, kecha, soat 19:13 larda M.Ulug'bek tumani, Oltintepa ko'chasida joylashgan xonadonlarning birida, uy egalari tomonidan kanalizatsiya quvurini ta'mirlash maqsadida qazilgan chuqurning o'pirilishi hamda bir fuqaroninig tuproq ostida qolib ketganligi bo'yicha Toshkent shahar favqulodda vaziyatlar boshqarmasiga xabar kelib tushgan.

Shundan so‘ng, boshqarma xodimlari voqea joyiga yetib borishgan. Zudlik bilan olib borilgan harakatlar natijasida fuqaro xavfsiz joyga olib chiqilgan hamda tez tibbiy yordam berish xodimlariga topshirilgan.

“Ayni vaqtda fuqaroning ahvoli yahshi” – deyiladi xabarda.

• Favqulodda vaziyatlar