Bosh prokuratura huzuridagi Departamentning Yakkasaroy tuman boʻlimi tomonidan oʻtkazilgan tergovga qadar tekshiruvda, fuqaro M.T. va boshqalar tadbirkor A.N.ga oʻzlarini tovar xomashyo birjasida goʻyoki broker sifatida ishlab kelayotganligini aytib, shu yoʻl bilan “M.Ye.” MChJning depozit hisob-raqamidagi pullarni nazorat qiluvchi bank kalitini qoʻlga kiritishgan.
Bu orqali korxonaning 4,3 mlrd. soʻmini “M.S.”, “I.T.” va boshqa MChJlarga oʻtkazishga erishib, oʻz ehtiyojlari uchun sarflaganliklari hamda fuqaro M.T. ushbu mablagʻlar hisobidan qiymati 406 mln. soʻmlik “Hyundai Sonata” rusumli avtotransport vositasini xarid qilib, jinoiy faoliyatdan olingan daromadini legallashtirganligi aniqlangan.
Maʼlum qilinishicha, mazkur holat yuzasidan Jinoyat kodeksining 168-moddasi (firibgarlik) va 243-moddasi (jinoiy faoliyatdan olingan daromadlarni legallashtirish) bilan jinoyat ishi qoʻzgʻatilib, tergov harakatlari oʻtkazilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!