Toshkent shahrida uy-joylarning o‘rtacha ijarasi 1 mln. so‘mni tashkil qiladi. Bu haqda Davlat soliq qo‘mitasi ma’lum qildi.

Qayd etilishicha, jismoniy shaxslar 2022-yil 1-yanvardan ko‘chmas mulkni ijaraga berish yoki tekin foydalanish shartnomalarini “E-ijara” xizmati orqali soliq organlarida ro‘yxatdan o‘tkazishi shart bo‘lib, 1-oktyabr holatiga soliq organlarida 96 mingdan ortiq turar joy ijara shartnomasi ro‘yxatga olingan.

Mavjud ma’lumotlar tahliliga ko‘ra Toshkent shahrida uy-joy ijarasi o‘rtacha oylik 1 mln. so‘mdan ko‘proqni tashkil qiladi.

Respublikaning boshqa shahar tumanlarida esa ijara haqining o‘rtacha miqdori 630 ming so‘mdan 977 ming so‘mgacha.

Respublikada ijaraga berilgan turar-joy obyektlari:
2 mln so‘mdan 5 mln so‘mgacha – 3 240 ta;
5 mln so‘mdan ortiq – 255 ta.

Eslatib o‘tish mumkin, soliq solish maqsadida 2022-yilda ko'chmas mulkni ijaraga beruvchi jismoniy shaxslar uchun 1 kv. metr yashash maydoni:

Toshkent shahrida – 15 500 so‘m;
Nukus va viloyat markazlarida – 9 500 so‘m;
boshqa aholi punktlarida - 4 000 so'm etib belgilangan.

Ta’kidlash joizki, mol-mulkni ijaraga berishdan olingan daromadlar mulkiy daromadlar tarkibiga kiradi va 12 foiz stavkada jismoniy shaxslardan olinadigan daromad solig‘iga tortiladi. Turar-joylarni talabalarga ijaraga bergan fuqarolar ushbu daromadi uchun jismoniy shaxslardan olinadigan daromad solig‘i to‘lamaydi. 

• Ijara to'lovi
• Soliq
• Toshkent
• Uy-joy