Ukraina “Zaporojye” atom elektr stansiyasi atrofidagi Rossiya tomonidan bosib olingan hududlar aholisini evakuatsiya qilishga chaqirdi.
Zavod joylashgan shahar Enerxodarning quvg‘indagi meri rus kuchlari tomonidan o‘qqa tutilayotganini va u yerda elektr ta’minoti yo‘qligini ma’lum qildi.
Moskva va Kiyev bir-birini Yevropadagi eng yirik atom stansiyasini o‘qqa tutishda, yadroviy falokat xavfi yaratishda ayblamoqda.
“Men “Zaporojye” AESga tutash tumanlar aholisiga murojaat qilaman .... evakuatsiya qiling! (Ukraina) nazorati ostidagi hududga borish yo‘lini toping”, — dedi bosh vazir o‘rinbosari Irina Vereshchuk.
“Provokatsiyalar orasidagi intervallar tobora qisqarmoqda”, - deb yozadi mer Dmitriy Orlov.
Uning so‘zlariga ko‘ra, zavod xodimlari AESni ta‘mirlashga vaqtlari yo‘q, chunki ikki mamlakatning o‘qqa tutishi ularning ishini puchga chiqaradi.
Orlovning qo‘shimcha qilishicha, aholi ichimlik suvi va pishirilmaydigan oziq-ovqatlarni zaxiralashi kerak.
Ammo Rossiya tinch aholini nishonga olganini rad etadi va Kiyevni atom stansiyasini o‘qqa tutganlikda ayblamoqda.
Evakuatsiya chaqiruvi Atom energiyasi boʻyicha Xalqaro agentlikning yadroviy falokatning oldini olish uchun “shoshilinch” himoya zonasini tashkil etish zarurligi toʻgʻrisidagi ogohlantirishidan soʻng boʻldi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!