U ayni vaqtda PSV-2ga murabbiylik qilmoqda.
Rud van Nistelroy mavsum oxirida PSV bosh murabbiyi lavozimini egallashga rozi bo‘ldi.
Avvalroq Eyndxoven klubida futbolchi sifatida to‘p surgan 45 yoshli golland yozda PSVni tark etadigan Rojer Shmidt o‘rnini egallaydi.
Van Nistelroy hozirda PSV-2ni boshqarmoqda. PSV yoshlari 30ta o‘yindan so‘ng ikkinchi Erediviziyada 11-o‘rinda bormoqda.
“Tvente”, “Shalke”, PSV va “Feyenoord” klublarining sobiq bosh murabbiyi Fred Rutten van Nistelroyga yordamchi bo‘lishi kutilmoqda.
2018-yildan 2021-yilgacha “Everton”da ishlagan klubning sobiq sport direktori Marsel Brands ham PSVga qaytadi.
Joriy mavsumning 27-turidan so‘ng PSV Gollandiya chempionatida “Ayaks”dan ikki ochko ortda qolib, 2-o‘rinni egallab turibdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!