Bu haqda Venesuela prezidenti vazifasini bajaruvchi Delsi Rodriges ma’lum qildi.

Uning aytishicha, Venesuela va AQSh hukumatlari “ikkala mamlakatdagi diplomatik missiyalar faoliyatini qayta yo‘lga qo‘yish maqsadida, sinov tariqasidagi diplomatik jarayonlarni boshlash”ga qaror qilgan.

AQSh Davlat departamentining tasdiqlashicha, amerikalik diplomatlar 9-yanvar kuni elchixona faoliyatini tiklash “ehtimoliga baho berish uchun” Venesuela poytaxti Karakasga borgan.

The New York Times’ning yozishicha, ikkala tomon ham dastlabki qadamlar “tajriba-sinov tariqasida” ekanini aytmoqda. Ayni paytda munosabatlar kun sayin o‘zgarishga uchramoqda.

Rodrigesning so‘zlariga ko‘ra, diplomatik aloqalarni tiklash imkoniyatini o‘rganishdan maqsad – “agressiya va respublika prezidenti hamda birinchi xonimining o‘g‘irlab ketilishi bilan bog‘liq oqibatlarni ko‘rib chiqish, shu bilan birga, o‘zaro manfaatli kun tartibini ilgari surish”dan iborat.

• AQSh
• Venesuela
• diplomatik munosabat