Vengriya bosh vaziri Viktor Orban payshanba kuni Bryusselni siyosatini o‘zgartirishga chaqirib, Yevropa Ittifoqining Ukrainadagi mojaro tufayli Rossiyaga qarshi qo‘ygan sanksiyalari barbod bo‘layotganini ta’kidladi.

“Sanksiyalar kutilgan natijalarni oqlamadi, urush tugamadi”, - dedi Orban.

“Yevropa asta-sekin kuchsizlanmoqda va Rossiya bu orada pul ishlab topmoqda”, - deb qo‘shimcha qildi Bosh vazir.

Bosh vazirning ushbu bayonoti Yevropa Ittifoqi Rossiyaga qarshi sakkizinchi sanksiyalarni qo‘llagan kunning o‘zida qilingan.

Yangi cheklovlar neft narxini cheklash, 7 milliard yevro miqdoridagi savdo cheklovlari va 30 kishi va yetti yuridik shaxsga nisbatan individual sanksiyalarni o‘z ichiga oladi.

Orban Yevropa Ittifoqining Rossiyaga qarshi sanksiyalarini tez-tez tanqid qilib, ularni samarasiz deb atagan.

Uning aytishicha, Bryussel misli ko‘rilmagan cheklovlar Rossiya iqtisodiga putur yetkazadi va harbiy amaliyotini moliyalashtirishga to‘sqinlik qiladi, deb kutgan edi.

Ammo Moskva o‘z neft va gazini Osiyo bozorlariga yo‘naltira oldi, shu bilan birga energiya narxining o‘sishidan foyda oldi.

• AQSh
• Rossiya
• Serbiya
• Vengriya
• Yevropa Ittifoqi