“Barselona” bosh murabbiyi Xavi Ispaniya kubogi 1/8 finalida “Atletik” bilan oʻyindan soʻng (2:3, qoʻshimcha vaqtda magʻlubiyat) oʻz fikrlari bilan oʻrtoqlashdi.

“Ikki yoʻqotilgan sovrin — bu ikki ogʻir zarba. Biz kurashni davom ettirishimiz kerak, boshqa yoʻl yoʻq”, — dedi murabbiy.

Matbuot anjumanida Xavidan “Barselona”ning muvaffaqiyatsizligi haqida qanday fikrda ekanligi ham soʻralgan.

“Menga bu soʻz yoqmaydi. Agar shunday boʻlsa, biz saboq olamiz.

Bizda oxirigacha kurashish uchun yana ikkita front bor: La Liga va Yevropa Ligasi”, — deb javob berdi Xavi.

Maʼlumot uchun, “Barsa” qatorasiga 3 ta oʻyinda gʻalaba qozona olmayapti. Klub soʻnggi 10 oʻyinda atigi 3 ta gʻalabaga erishdi. Qolgan uchrashuvlarda esa 4 ta magʻlubiyat va 3 ta durang qayd etildi.

• Futbol
• Xorij