Katalon klubi bosh postiga yangi tayinlangan Xavi Ernandes boshchiligidagi jamoa uchun La Liga bahslari oson kechmayapti.

Ispan mutaxassisining ikkinchi o‘yinida “ko‘k-anorranglilar” “Vilyarreal” bilan to‘qnash kelishdi (3:1) va uchrashuvning dastlabki 45 daqiqasida jamoalar hisobni ochishning uddasidan chiqa olishmadi.

Shu tariqa, Xavi qo‘l ostida o‘tgan jami besh bo‘lim davomida kataloniyaliklar faqat bir marta raqiblari darvozasini ishg‘ol qildi. Bu murabbiyning “Espanyol”ga qarshi debyut o‘yinida sodir bo‘lgan. O‘shanda Memfis Depay penaltini golga aylantirgan edi.

Opta statistik portalining xabar berishicha, “ko‘k-anorranglilar” ushbu bahslarning barchasida gol urish uchun umumiy 34 marta darvoza tomon zarba berishgan. 

Bu esa yaqin yillar ichida qayd etilgan eng yomon ko‘rsatkich hisoblanadi. Futbolchilar garchi zarbalar borasida sermahsullikni ko‘rsatayotgan bo‘lsalarda, uning yakunida muvaffaqiyatsiz harakat qilishmoqda.

• Futbol