Xitoy Tashqi ishlar vazirligi matbuot kotibi Xua Chuning “Shimoliy oqim”ga qilingan hujumlar ortida AQSH turganiga ishora qildi.
U o‘zining “Twitter” sahifasida ushbu mazmundagi postni joylashtirdi.
“Shimoliy oqimdagi qo‘poruvchilik ortida kim turibdi? Bundan eng katta foydani kim ko‘radi, deb o‘ylaysiz?”, – deya yozgan diplomat.
Shu bilan birga, Xua Chuning postdan uchta “skrinshot” ham joy olgan. Ulardan biri AQSH prezidenti Jo Baydenning bayonoti bo‘lib, unga ko‘ra Amerika yetakchisi agar Rossiya qo‘shinlari Ukraina chegarasini kesib o‘tsa, “Shimoliy oqim”ni to‘xtatish imkoniyati haqidagi fikrlari, yana birida esa Pentagonning amerikaliklar tayyorgarligi haqidagi hisobotiga iqtibos keltirilgan.
Ta’kidlanishicha, hujumlar joriy yilning 26 sentyabr kuni birdaniga Rossiyaning Yevropaga gaz yuboriluvchi ikkita gaz quvuri – “Shimoliy oqim” va “Shimoliy oqim 2”ga uyushtirilgan.
3 oktyabr kuni “Gazprom” shirkati zarar ko‘rgan “Shimoliy oqim” va “Shimoliy oqim 2” gaz quvurlarida bosim barqarorlashgani, gaz sizib chiqishi to‘xtagani va uning yaxlitligini tekshirish uchun boshqa “Shimoliy oqim 2” quvuridan gaz chiqarilayotgani haqida xabar bergan edi.
O‘z navbatida, Shvesiya sohil qo‘riqlash xizmati o‘sha kuni “Shimoliy oqim 2”da kichik sizish davom etayotganini ma’lum qilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!