Prezident Shavkat Mirziyoyev raisligida boshlangan videoselektor yig‘ilishida “Yashil makon” umummilliy loyihasi doirasidagi ishlar xususida ham to‘xtalib o‘tildi.
Qayd etilishicha, loyiha doirasida bahor mavsumida 125 million tup ko‘chat ekish reja qilingan.
– Mavsum tugashiga ham ozgina vaqt qoldi. Lekin, bu borada qilingan ishlar ahvoli meni xavotirga solmoqda. Ayrim hududlarda hali ham ishlar nomigagina tashkil etilib, ko‘zbo‘yamachilik davom etayotgani to‘g‘risida menda maʼlumotlar yetarli, – dedi Prezident.
Davlat rahbarining maʼlum qilishicha, ayni vaqtda joylarda haqiqatda ekilmagan jami 5 million tup ko‘chatlarni hisobotda qo‘shib yozish holatlari kuzatilgan.
Shu bois mutasaddilarga aprel oyida barcha qoloqliklar va kamchiliklarni to‘liq bartaraf etish topshirildi.
Umuman, aprel oyi yakuniga qadar viloyat hokimlari tegishli idoralar bilan birga:
– tumanlardagi yirik mahallalarga 20-30 ming, o‘rta mahallalarga – 10-15 ming, kichiklariga – 3-5 ming terak qalamchalari;
– shaharlarning har bir mahallasiga 3-5 ming terak qalamchalari ekilishini taʼminlashi;
– avtomobil yo‘llari bo‘yida kamida 5 million tup terak ko‘chatlari va qalamchalari ekishni tashkil qilishi shartligi taʼkidlandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!