Bosh prokuratura Ohangaron tumanida YHXB inspektorlari va haydovchi o‘rtasidagi vaziyat hamda haydovchining o‘limi bilan bog‘liq holat yuzasidan tuman prokuraturasi tomonidan tergovga qadar tekshiruv harakatlari olib borilayotganini maʼlum qildi.
Ayni vaqtda marhumning o‘limi sabablarini aniqlash maqsadida sudga oid tibbiy ekspertiza tayinlangan.
Shuningdek, holatga aniqlik kiritish uchun YHXB xodimlariga biriktirilgan “Body camera”da aks ettirilgan videotasvirlar olingan.
YHXB xodimlarining xatti-harakatlari yuzasidan xizmat tekshiruvi tayinlangan.
Mazkur holat har tomonlama, to‘la va xolisona tekshirib chiqiladi va natijasi haqida qo‘shimcha xabar qilinadi.
Eslatib o‘tamiz, bir muddat avval IIV ijtimoiy tarmoqlarda YHXB inspektorlarining haydovchini urib o‘ldirib qo‘yganligi haqida xabarlar tarqalgan va holat yuzasidan vazirlik rasmiy munosabat bildirgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!