Aksariyat kino va shou biznes vakillari ideal ko‘rinishga intilib yoki yoshligini saqlab qolish uchun tavakkal operatsiyalarni o‘tkazishga ham tayyor bo‘lishadi. Xuddi shunday yangi qiyofa yaratish uchun katta miqdorda pul sarflagan yulduzlar ro‘yxatini taqdim etamiz.
1. Joselin Vildenshteyn
“Mushuk ayol” laqabi bilan tanilgan Joselin Vildenshteynni plastik jarrohlikka bo‘lgan ishtiyoqi uni butun dunyoga mashhur qildi. Vildenshteyn 1940-yilda Shveysariyada tug‘ilgan. Hamda Alek Vildenshteyn ismli milliarderga turmushga chiqadi. Joselinning eri mushuklarni yaxshi ko‘rgani bois ayol o‘zini mushuk qiyofasiga o‘xshatish uchun plastik jarrohlikni boshdan kechiradi. Birinchi operatsiya ko‘ngildagidek kechmaydi va u jami 80 ta operatsiyani o‘tkazadi. Operatsiyalar qiymati taxminan 4 million AQSh dollarini tashkil etdi. Buni qarangki, eri uchun mushukka o‘xshashni tanlagan ayol xiyonatga uchraydi. Ammo erining jazmani butkul mushukka o‘xshamas edi.
2. Kayli Jenner
Kayli Jenner nafaqat millionerlik maqomi, balki ko‘pgina plastik jarrohlik operatsiyalari va son-sanoqsiz kosmetik muolajalar bilan ham mashhur. Ammo bu mavzu haqida gapirish Kayliga unchalik ham yoqmaydi. 10 yillik fotosuratlarni solishtirsangiz o‘zgarishlarni sezishingiz aniq.
Jennerga bu o‘zgarish taxminan 6 million dollarga tushgan.
3. Maykl Jekson
Pop qiroli Maykl Jekson juda murakkab inson bo‘lgan. Maykl o‘zining birinchi plastik jarrohlik operatsiyasini 21 yoshida o‘tkazgan. Musiqachi o‘zining tashqi qiyofasini to‘g‘rilashga odatlanib qolgan va hatto qarindoshlari ham uni bu istagidan to‘xtatib qololmagan.
Maykl terini oqartirgan va bu bilan u irqchilikda ayblangan. Ammo Maykl epidermis kasalligiga uchrab terisida oq dog‘lar paydi bo‘lgach, shu qarorga kelganini aytgan. Umri davomida Jekson 100 ga yaqin plastik jarrohlik amaliyotini boshdan kechirib, jami bir million AQSh dollari sarfladi. Hamda 2009- yil navbatdagi operatsiyaga kirishdan oldin yurak xurujiga uchradi.
4. Sher
Ko‘pgina hamkasblaridan farqli o‘laroq, Sher o‘zining tashqi ko‘rinishidagi o‘zgarishlar haqida doimo ochiq gapirgan. Xonanda taxminan 50 marta plastik jarrohlar va kosmetologlar xizmatiga murojaat qilgan, buning uchun u taxminan 750 ming AQSh dollari sarflagan.
5. Demi Mur
Demi Mur yoshligida burnining shaklini o‘zgartirdi.
U 50 ga yaqin tana shaklini o‘zgartiruvchi operatsiyalarni o‘tkazgan. Yuzi va tanasini yashirgan aktrisa ko‘p marta xususiy kosmetika klinikalaridan chiqib ketayotganda qo‘lga olindi. Ammo akltrisa bunday turdagi operatsiyalar o‘tkazganini rad etib faqat inyeksiyalar olganini qayd etadi. Operatsiyalar uchun umumiy qiymatda aktrisa taxminan 150 ming AQSh dollari sarflagan.
6. Donatella Versache (170 000 dollar)
Donatella akasining vafotidan keyin juda ham ozib ketdi. Keyinchalik u stressli yuzini o‘zgartirish uchun 2003-yilda kosmetologlarga murojaat qildi.
Unda o‘takzilgan birinchi operatsiyalar juda muvaffaqiyatli o‘tkazildi. Ammo dizayner o‘z vaqtida istaklarini to‘xtab qololmadi, oqibatda yuzdagi uyg‘unlik yo‘qoldi. Doimiy inyeksiya tufayli lablar juda kattalashdi va rinoplastikadan o‘tgan burun fonida grotesk paydo bo‘ldi. Versase bu natijaga erishish uchun kamida 30 ta operatsiyani o‘tkazgan va 170 ming AQSh dollari sarflagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!