Paulo Dibala mavsumiga 10 million yevro maosh bilan “Yuventus” taklifini qabul qilishga tayyor edi.

Biroq avvalroq La Gazzetta dello Sport nashri moliyaviy qiyinchiliklar tufayli “keksa sinyora” taklifni qaytarib olib, yangi taklif bilan chiqqani haqida xabar bergan. Unda Dibalaning maoshini hozirgi darajada ushlab turish (yiliga 7,3 million yevro) yoki hattoki pasaytirish haqida soʻz borgan.

TyC Sports xabariga koʻra, Dibala “Yuventus”ning bu taklifini qabul qilmoqchi emas. Vaziyat oʻzgarmas ekan, futbolchi klubda qolmaydi.

Qayd etish mumkin, Paulo Dibalaning amaldagi shartnomasi mavsum oxirida tugaydigan boʻlsa, argentinalik boshqa klublar bilan muzokaralar olib borishi mumkin boʻladi.

Maʼlumot uchun, argentinalik hujumchi Turin klubi safida bugungacha, 274 ta uchrashuvda maydonga tushib, 109 ta gol, 46 ta assistning muallifiga aylangan.

• Futbol
• Xorij