15–16-oktyabr kunlari O‘zbekiston funksional ko‘pkurash federatsiyasi hamda Milliy gvardiya boshchiligida funksional ko‘pkurash bo‘yicha respublika yopiq chempionati bo‘lib o‘tmoqda.

Unda bir qator toifalar bo‘yicha ayollar, o‘smir–yoshlar, professionallar, yoshi katta (master)lar, havaskorlar va nogironligi bo‘lgan sportchilar ishtirok etishmoqda.

Toshkent shahridagi funksional ko‘pkurash federatsiyasi sport kompleksida o‘tayotgan musobaqaning dastlabki kunida asosan, gimnastika mashqlariga urg‘u qaratilgan bo‘lib, ishtirokchilar devorga chiqish, qo‘lda yurish, kanatlarga chiqish, turnikda osilish kabi mashqlarni bajarishdi. Ikkinchi kun dasturidan esa, maxsus og‘ir to‘plar bilan bajariladigan tryuklar, tosh ko‘tarish kabi og‘ir atletika mashqlar o‘rin olgan.

Chempionatning birinchi kunida nogironligi bo‘lgan sportchilar o‘rtasida g‘olib va sovrindorlar aniqlangan bo‘lsa, qolgan toifalar bo‘yicha eng yaxshilar, 16-oktyabr kuni saralanadi.

• Krossfit
• Milliy gvardiya