Choy xalqimizning eng sevimli ichimligi bo‘lib, uni 7 yoshdan 70 yoshgacha bo‘lgan barcha birdek suyadi. Choy nafaqat mazali ichimlik, balki sog‘liq uchun ko‘plab foydali xususiyatlarga ega mahsulot hamdir. Ammo shu yerda savol tug‘iladi: ko‘proq ko‘k choy foydaliroqmi yoki qora choy? Quyida shu savolga javob izlaymiz.

Ko‘k choyning foydasi

• Ko‘k choy vitamin va mineral hamda organizmning umumiy holatini yaxshilashga yordam beradigan antioksidantlarga boy. Ushbu mahsulot saratonga qarshi kurashda yordam beradi.
• Miya faoliyatini yaxshilaydi va tetiklashtiradi.
• Ko‘k choy ortiqcha vazndan qutulishga, tanadagi ortiqcha yog‘larni eritishga va moddalar almashinuvini yaxshilashga yordam beradi.

• Ko‘plab tadqiqotlardan ma’lum bo‘lishicha, ko‘k choydagi antioksidantlar saratonning ko‘p turlariga, jumladan, ko‘krak, prostata va yo‘g‘on ichak saratoniga qarshi kurashishga yordam beradi.
• Ko‘k choy Parkinson (http://xabardor.uz/x/508195)  kasaliga chalinish xavfini kamaytiradi. Ko‘k choy neyrodegeneratsion kasalliklarning rivojlanishi xavfini kamaytiradi. Bunga miya neyronlariga yordam beradigan kuchli himoyalash xususiyatiga ega bo‘lgan katexin sababchi hisoblanadi.
• Diabet, yurak-qon tomir kasalliklari, semirish va erta qarishga qarshi eng yaxshi vosita hisoblanadi.

Qora choyning foydali xususiyatlari

• Ilmiy tadqiqotlar natijalariga ko‘ra, qora choy tarkibidagi moddalar og‘iz bo‘shlig‘i kasalliklari, toshma va stomatit yaralaridan himoya qiladi.
• Kun davomida 3-4 piyola choy ichish, yurak xastaliklari yuzaga kelish xavfini 21 foizga kamaytirishi yevropalik olimlar tomonidan isbotlangan.

• Qora choy iste’mol qiladigan ayollarda bachadon saratonining yuzaga kelish xavfi boshqalarga nisbatan kamroq bo‘ladi.
• Qora choy hayotiy quvvatni tiklab, kayfiyatni ko‘taradi. Immunitetni yaxshilab, asablarni tinchlantirgan holda, stress gormonini pasaytiradi. Hazm faoliyatini yaxshilab, moddalar almashinuvini faollashtiradi.

Ushbu mahsulotlarning ko‘pgina foydalari bo‘lgani kabi, zararlari ham mavjuddir. Yuqorida ko‘k choyning ham, qora choyning ham sog‘liq uchun foydali xususiyatlarini keltirib o‘tdik. Qaysi birini iste’mol qilish esa ta’bingizga havola.

Guljahon Sanjarbekova tayyorladi