So‘x tumani Ichki ishlar bo‘limiga yangi rahbar tayinlandi. Bu haqda tuman hokimligi matbuot xizmati xabar berdi.

Ma’lum qilinishicha, 3-iyun kuni bo‘lib o‘tgan Xalq deputatlari So‘x tumani kengashining navbatdan tashqari oltinchi sessiyasida Qosimjon Rahimberdiyev So‘x tuman Ichki ishlar bo‘limi boshlig‘i etib tayinlangan. U So‘x tumanida tug‘ilgan.

Oldinroq So‘x tumani Ichki ishlar bo‘limi boshlig‘i vazifasida ishlab kelayotgan Sayidbahrom Sayidmusayev tuman hokimi etib tayinlangani haqida xabar bergandik.

Eslatib o‘tamiz, 31-may kuni O‘zbekiston Respublikasi va Qirg‘iziston Respublikalari chegarasida joylashgan Chashma qishlog‘ining “Chashma” bulog‘i oldida ikki davlat fuqarolari o‘rtasida mojaro chiqqanligi xabari berilgan edi.

Vazirlar va viloyat boshqarmalar rahbarlari So‘x tumanida bo‘lib, aholi muammolarini o‘rganish va hal qilish, hududni ijtimoiy-iqtisodiy rivojlantirish borasida manzilli chora-tadbirlar dasturini ishlab chiqdi.