Uxlash avvalidan toʻyib ovqatlanish zarar ekanligini koʻpchilik yaxshi biladi. Ammo, qorningiz haddan tashqari ochgan boʻlsa ushbu vaziyatda qanday chora koʻrish mumkin? Quyidagi 5 mahsulotni kechqurun isteʼmol qilsangiz ham, qad-qomatingizga hech qanday zarar yetmaydi.

Lavlagi

Lavlagi tarkibida juda katta miqdorda betain saqlandi. Ushbu modda tanadagi moddalar almashinuvi jarayonini ragʻbatlantiradi. Betain shuningdek, tanovul qilingan yeguliklarning osonroq hazm boʻlishiga ham yordam beradi.

Qaynatilgan tuxum

Tuxum tarkibini oqsil va foydali yogʻlar tashkil qiladi. Uni avvaldan qaynatib, muzlatgichga solib qoʻyishingiz va qorningiz ochganida yengil tamaddi qilib olishingiz mumkin.

Oqsilli omlet

Bir nechta tuxum oqidan ziravorlar bilan birgalikda omlet tayyorlang. Bunday omletni kechqurun isteʼmol qilishning hech qanday zarari yoʻq.

Tvorog

Tvorog – ortiqcha vazndan xalos boʻlish istagidagi insonlarning sevimli mahsulotlaridan biri. Uni kechqurun ham tanovul qilish mumkin. Tvorogning bir oʻzini yeya olmasangiz, unga dolchin, kokos qirindisi yoki asal aralashtiring.

Sabzi

Ikki dona sabzi isteʼmol qilib, beta-karotinning bir sutkalik miqdorini toʻliq olish mumkinligi haqida bilasizmi? Ushbu modda organizmni mikrob hamda viruslardan himoya qiluvchi antioksidant hisoblanadi. Sabzi antiseptik, ogʻriqsizlantiruvchi, yalligʻlanishga qarshi vosita hamdir. Sabzini kichik somoncha shaklida toʻgʻrab, kechqurun qorin ochganda istagancha ermak qilsangiz boʻladi.