Pulni sarflab yuborishga bir kishining o‘zi yetadi, ammo uni yasash uchun juda ko‘p odamning mehnati singadi. Bu odamlar pul ishlab chiqarish, aniqrog‘i unga o‘yib rasm solish va zarb qilish bo‘limi xodimlari. 

Brayn ham shu bo‘limda ishlaydi. U banknot dizayni bilan shug‘ullanadi. 

–  Mening ishim AQSh valyutasi dizaynini yaratishdan iborat. Banknot dizayneri 98 foiz o‘ylaydi. Siz nima qilmoqchi ekaningiz va pul bosib chiqarilganidan keyin u qanday ko‘rinish hosil qilishi haqida doim o‘ylashingiz kerak. Dizayn qilishning eng oson yo‘li bu katta jumboqdan foydalanishdir. Buning uchun Amerika timsoliga aylangan turli narsalardan bittadan element olinadi va ularning bari qo‘shilib, uyg‘un holga keltiriladi. O‘zimiz chizib topshirgan suratlar banknotlarga bosib chiqarilganini ko‘rish qanday yoqimli. Chunki sizning san’at asaringiz butun dunyoga tarqaladi. 

Dizaynerlar jamoasi o‘z ishini yakunlagach, banknotlarni zarb qilish uchun po‘lat likopchalar tayyorlanadi. 
Bu Diksi, u dizaynni po‘latga o‘yib chizadi.

–  Agar qo‘lingizdagi pulga ahamiyat bersangiz, denominatsiyani bildiruvchi harflar va raqamlar yozilganini ko‘rasiz. Dizaynerlarimiz dizayn yaratishsa, men uni po‘latga o‘yib tushiraman. Har bir yozuv ritmik bo‘lgani uchun ularni birma-bir o‘yib chiqaman. Uni maxsus shisha orqali ko‘rib, aylantiraman va shakl beraman. Ijod namunalarimdan milliard martalab nusxa ko‘chirilgan, deb ayta oladigan rassomlarni barmoq bilan sanasa bo‘ladi.

Po‘lat likopchalar tayyor bo‘lganidan keyin pulni zarb qilish boshlanadi. Bo‘m-bo‘sh valyuta qog‘ozlari olib kelinadi. Birinchi bo‘lib orqa fondagi tasvirlar bosiladi. Keyin kupyuraning orqasiga tasvir bosiladi, undan keyin old tarafiga. Oxirgi bosqichda kupyuraga seriya raqami, g‘azna va Federal Zaxira raqami bosiladi. Zarb qilish ishlari tugagach, ular kesilib, “g‘isht” ko‘rinishida taxlab chiqiladi. Tayyor bo‘lgan pullar xavfsiz saqlash uchun Federal zaxira omboriga yuboriladi.

Ziyodaxon G‘ulomova tayyorladi