Dubay tarixi VII asrlarga borib taqaladi. Birlashgan Arab Amirliklarining eng yirik shahri bo‘lgan Dubayni “kelajak shahri” deb ham atashadi: bu shahardagi kabi mahobatli binolar, zamonni ortda qoldirgan arxitektura inshootlarini sayyoramizning boshqa hech qaysi shahrida uchratmaysiz.  

Burj-al-Arab, Dubay, BAA

Dubaydagi diqqatga sazovor maskanlarning qisqacha ro‘yxati bilan tanishing: alohida sun'iy orolda bunyod etilgan yelkan shaklidagi yetti yulduzli Burj-al-Arab mehmonxonasi (bu yerdagi xonalarda tunash uchun narxlar ming dollardan boshlanadi), bir vaqtning o‘zida 83 ming litr suvni havoga ko‘taruvchi balandligi 150 metrli musiqali favvora, Fors ko‘rfazi suvlari ustiga qurilgan daraxt ko‘rinishidagi sun'iy Palma orollari, Yer yuzidagi qit'alar ko‘rinishidagi “Dunyo” arxipelagi...  

Kayan minorasi, Dubay, BAA

Bu hali hammasi emas! Bundan tashqari, Dubayda Yaqin Sharqdagi eng yirik ko‘ngilochar-savdo maskani – “Dubay Moll” joylashgan bo‘lib, uning ichidan dunyodagi eng yirik akvariumlardan biri o‘rin olgan. “Dubay Marina” — dunyodagi eng katta yaxta gavani bo‘lsa, Dubay aeroporti ham kattaligi jihatidan barcha raqobatchilarini ortda qoldirgan.  

Burj-Xalifa tunda, Dubay, BAA

E'tibor berdingizmi: Dubaydagi barcha maskanlar yo kattaligi jihatidan yoki dunyodagi ilk inshootlardan biri sifatida rekord o‘rnatgan. “Ski Dubai” deb nomlanuvchi yopiq tog‘ chang‘i kurorti esa nafaqat Yaqin Sharqdagi eng yirik, balki birinchi chang‘i uchish markazi hisoblanadi.     

Al Yaqub minorasi, Dubay, BAA

Burj-Xalifa, Dubay, BAA

Umuman olganda, Dubay — bu ertak-shahar, fantastik roman sahifasi, xayolotni qanday qilib hayotga ko‘chirish borasidagi bezaklardan iborat namunadir.