Amu TV xabariga ko‘ra, Qandahor (Afg‘oniston) hukumati bolalar o‘yinchoqlarini sotishni taqiqlagan.

Ma’lum qilinishicha, “Tolibon” qo‘g‘irchoq va haykalchalar sotilishiga to‘sqinlik qilmoqda. Tadbirkorlarning aytishicha, bu ularning biznesiga zarar yetkazmoqda.

“Tolibon”ning ezgulikni targ‘ib qilish va yomonlikning oldini olish vazirligi bir qator o‘yinchoqlar, jumladan, qo‘g‘irchoqlar sotilishini harom deb e’lon qildi, deya xabar beradi Afg‘oniston International.

Taqiqning sababi “Tolibon”larning qo‘g‘irchoqlarni islomda gunoh hisoblangan butlarga o‘xshatishi bo‘lishi mumkin. Shahar hokimligi taqiqlangan mahsulotlarni zudlik bilan do‘konlardan olib tashlashni buyurgan.

Avvalroq Afg‘oniston rasmiylari shaxmat o‘yinini noma’lum muddatga taqiqlagani xabar qilingandi.

• Afg‘oniston
• Tolibon