Pekin-Toshkent-Pekin reyslari muvaffaqiyatli yo‘lga qo‘yilgandan so‘ng, “Air China” Urumchi-Toshkent-Urumchi yo‘nalishida yangi to‘g‘ridan-to‘g‘ri reyslarni amalga oshirmoqda.

22-iyul kuni soat 12:50 da ushbu yo‘nalish bo‘yicha birinchi reys Toshkent xalqaro aeroportiga kelib qo‘ndi. Boeing-737 samolyotida yetib kelgan ekipaj va yo‘lovchilar an’anaga ko‘ra suv arkasi, gullar va bayramona muhitda bilan kutib olingan. Bu haqda Uzbekistan Airports xabar berdi.

“Xalqaro aviatsiya yetakchilaridan birining yangi yo‘nalishini kutib olish jamoamiz uchun muhim voqea. Ishonchim komilki, Urumchi-Toshkent reysi yo‘nalishlar tarmog‘ida o‘zining munosib o‘rnini egallaydi va mamlakatlarimiz o‘rtasidagi iqtisodiy, madaniy va gumanitar aloqalarni mustahkamlashda ishonchli ko‘prik bo‘ladi”, — deydi Uzbekistan Airports Handling direktori Timur Xalilov.

“Air China” aviakompaniyasining Urumchi-Toshkent-Urumchi yo‘nalishi bo‘yicha parvozlari haftada uch marta - seshanba, juma va yakshanba kunlari amalga oshiriladi.

• O‘zbekiston
• Xitoy
• parvoz