O‘zbekistondagi 3 ta viloyat hokimi talabalar uchun stipendiya tanlovini e‘lon qildi. Ular:

Namangan viloyat hokimi Hayrulla Bozorov mahalliy OTM larda ta’lim olayotgan 100 nafar hamda chet elda aniq fanlarda o‘qiyotgan 10 nafar namanganlik talabaning shartnoma pullarini to‘lab berish tashabbusini ko‘rsatdi.

Andijon viloyat hokimi Shuhrat Abdurahmonov esa viloyatdagi oliy ta’lim muassasalarida tahsil olayotgan talabalar uchun “Viloyat hokimi stipendiyasi” tanlovini joriy etdi. Tanlov g‘olibi oliy o‘quv yurtini tamomlagandan so‘ng o‘z mutaxassisligi bo‘yicha ish bilan ta’minlanadi.

Buxoro viloyati hokimi O‘ktam Barnoyev viloyatdagi oliy ta’lim muassasasalarining bakalavr bosqichi 3-4-kursida o‘qiyotgan talabalar uchun oyiga 1 millon so‘m miqdorida to‘lanadigan stipendiya tanlovini e’lon qildi. Bu haqda Oliy va o‘rta maxsus ta’lim vazirligi xabar berdi.