Aktrisa Luiza Rasulova otasining oʻlimidan keyin oilasi bilan oʻta ogʻir kunlarni boshdan kechirgani haqida gapirib berdi.
“Bilasizmi, odamlarda maktab davrida sevgi pallasi boʻladi, 14, 15, 16 yoshlik vaqtlardagi telefonda ertalabgacha gaplashishlar... Menda bunday narsa boʻlmagan. Menda sevgiga vaqt boʻlmagan. Stress holatidan chiqib ketib, akam bilan birga onamiz uchun nimadir qilishga uringanmiz. Chunki yaqinlarimiz, qarindoshlarimizga suyana olmasligimizni his qilardik. Nonsiz qolib ketgan paytlarimiz boʻlgan, baʼzida bozorda ishlab, topgan pulimni Toshkentga kelib fotosessiya qildirishga sarflardim, yoʻlkiraga ham ancha mablagʻ ketib qolardi. Lekin, yaqinlarim meni qoʻllab-quvvatlashgan.
Oʻsha vaqtlarda akam bilan men ishlaganman, onamni ishlatmaganmiz. Chunki yuraklari kasal, otamning vafotlaridan keyin yuraklarining holati yanada yomonlashgandi. Xudoga shukr, bugungi kungacha ishlatmadik. Lekin nonsiz qolib ketgan paytlarimizda, birovlarning uylarini, hattoki qarindoshlarimizning uylarini tozalab, bizga non topib kelgan paytlari boʻlgan”, dedi Luiza Rasulova.
Aktrisaning aytishicha, oʻsha vaqtlarda onasiga nisbatan yomon munosabatda boʻlgan qarindoshlar bilan aloqalar vaqtincha uzilgan. Ular bilan aloqalar yaqindagina aktrisaning onasi tomonidan qayta tiklangan, Luiza Rasulova esa bunga qarshilik qilmagan boʻlsa ham, ushbu aloqalarda oʻzi ishtirok eta olmasligi, oʻtgan ishlarni unuta olmasligini taʼkidlagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!