Reuters xabariga ko‘ra, Isroil bosh vazir Binyamin Netanyaxu Eronning yangi oliy rahnamosi Mojtaba Xomanaiyni o‘ldirish bilan tahdid qilgan. Urush boshlanganidan beri birinchi matbuot anjumanini o‘tkazgan Netanyaxu deyarli ikki haftalik bombardimonlardan so‘ng Eron “endi avvalgidek emas”ligini aytdi va Islom inqilobi qo‘riqchilari korpusi va Basij yarimharbiy kuchlariga zarba berilganini aytdi.

Netanyaxudan Eronning yangi oliy rahnamosi va “Hizbulloh” yetakchisiga qarshi qanday choralar ko‘rilishi haqida so‘ralganida “Men terrorchi tashkilot rahbarlaridan birortasiga ham hayot sug‘urtasi polisini bermagan bo‘lardim... Bu yerda nimalarni rejalashtirayotganimiz yoki nima qilmoqchi ekanimiz haqida aniq hisobot berish niyatim yo‘q”, – deya javob berdi Netanyaxu .

Isroil Eronga hujumdan maqsad Tehronning yadroviy va ballistik raketa dasturlari tufayli yuzaga kelayotgan “ekzistensial tahdidni bartaraf etish” ekanini ma’lum qilgan. Shuningdek, eronliklarni qo‘zg‘olonga undash orqali hukumat qulatishga chaqirgan.

Shuningdek, “Biz qanday choralar ko‘rayotganimizni batafsil aytmayman. Biz rejimni ag‘darish uchun optimal sharoitlarni yaratmoqdamiz, biroq Eron xalqi rejimni ag‘daradi, deb to‘liq ishonch bilan ayta olmasligimni inkor qilmayman, rejim ichkaridan ag‘dariladi. Ammo biz, shubhasiz, yordam bera olamiz va yordam beryapmiz ham”, – dedi Isroil bosh vaziri.

• Binyamin Netanyaxu
• Eron
• Isroil
• Urush