O‘zbekistonda transportni boshqarish huquqini olgan shaxslarga yo‘l qoidalari buzilgani uchun javobgarlikni o‘tkazish tartibi joriy etildi. 2026-yil 1-apreldan boshlab bu haqda YIDXP (my.gov.uz) yoki maxsus mobil ilova orqali xabardor qilish mumkin bo‘ladi.

Buning uchun transport egasi YIDXP yoki mobil ilovada shaxsiy kabinet ochgan holda so‘rovnoma to‘ldiradi va unda boshqarish huquqini berish muddatini ko‘rsatib o‘tadi.

Boshqarish huquqini olgan shaxs so‘rovnomani tasdiqlash orqali kelgusida unga nisbatan jarima solish to‘g‘risida qaror rasmiylashtirilib borilishiga roziligini elektron raqamli imzo yoki “Mobile-ID” yoxud Face-ID orqali tasdiqlaydi. Xabardor qilish xizmati uchun BHMning 10 foizi (42 000 so‘m) miqdorida yig‘im undiriladi.

Bundan tashqari, mazkur qaror bilan qonun hujjatlariga kiritilgan o‘zgartirishlarga ko‘ra, avtomototransport vositasini ro‘yxatdan o‘tkazish haqidagi guvohnoma (“texpasport”) 5 yil muddatga rasmiylashtirilishi belgilandi.

• Haydovchi
• Qaror
• Qonun
• Transport
• YPX