Kinorejissyor “Moskva ko‘z yoshlarga ishonmaydi” (Москва слезам не верит) filmining yulduzi Natalya Vavilovaning turmush o‘rtog‘i Samvel Gasparov koronavirusdan 81 yoshida vafot etdi. Xabarda aytilishicha, Samvelning turmush o‘rtog‘i ham ushbu virusdan zararlangan, ammo uning ayni vaqtdagi holati ma’lum emas.

Ma’lumot uchun
Samvel Gasparov 1938-yili 7-iyunda Tbilisida tug‘ilgan. U o‘zining “Oltinchi”, “O‘lim” so‘zini unuting”, “Qotil uchun qopqon”, “O‘lim koordinatori” kabi filmlari orqali mashhur bo‘lgan. Uning 61 yoshli turmush o‘rtog‘i Natalya Vavilova “Moskva ko‘z yoshlarga ishonmaydi” filmidagi bosh rol – Aleksandra Tixomirova roli orqali dunyoga mashhur bo‘lgan.