АҚШ ҳукумати бир неча текширувлардан сўнг БАА билан F-35 қирувчи самолётлари ва учувчисиз қурилмаларни сотиш борасида шартномалар тузиш борасида ижобий хулосага келган. Бу ҳақда АҚШ давлат котиб Энтони Блинкен маълум қилди.

"Биз, масалан, Исроилнинг қурол-аслаҳа борасидаги устунлигини асраш мажбуриятини бажараётганимизга амин бўлишимиз керак эди. Шу боис биз ушбу регионда шерикларимизга, хусусан БААга ҳам, сотаётган ва бераётган ҳар қандай технологик қурилмамизни обдон текшириш имконига эга бўлишни истагандик" – дейди АҚШ давлат котиби.

Унинг қайд этишича, БАА ҳали ҳам ўз фикрида бўлса, АҚШ томони олға бориш ниятида.

Аввалроқ АҚШ ҳарбий разведкаси БАА ҳудудида Хитойнинг аллақандай ҳарбий базаси қурилаётганини иддао қилганди. Шундан сўнг томонлар ўртасидаги ҳарбий техника олди-бердиси бўйича музокаралар савол остида қолганди.

• АҚШ
• Абу-Даби
• Ҳарбий
• дрон
• технология