Япония ўз резервларидаги нефтни сотиши мумкин. Бу бозордаги ушбу хомашё нархини меъёрий тутиб туриш учун чора сифатида кўрилмоқда.

Сентябрь ойи сўнггидаги ҳисобларга кўра, мамлакат резервида 74,25 млн килолитр нефт сақланмоқда. Бу бутун мамлакатнинг 235 кун ёқадиган ёқилғисига тенг.

Япония қонунчилиги фавқулодда ҳолатларда давлат резервида сақланувчи нефтни сотувга чиқариш масаласини талаб қилади. 2011 йили мамлакат шимоли-шарқида содир бўлган зилзила ва цунамида, 1991 йили Форс кўрфазидаги уруш маҳали мамлакат худди шу йўл билан хомашё нархини мўтадил тутишга муваффақ бўлган.

Япония ҳукумати саноат турини қўллаб-қувватлаш учун бир нечта чора-тадбирларни қўллай бошлади. Унга кўра, ҳозир Японияда энг кўп сотиладиган "регулар" номли бензин нави (тахминан биздаги АИ-95га тўғри келади) нархи 170 иенга етса (тахминан 16 минг сўм), мамлакат ўз резервидаги нефтни бозорга олиб чиқади.

• Япония
• нефть