Йўловчиларга кўрсатилаётган транспорт хизматлари сифатини ошириш ва аҳолининг транспортга бўлган талабини инобатга олган ҳолда, 2025 йил 1 июль кунидан бошлаб “Тошшаҳартрансхизмат” АЖ таркибидаги “Тошавтобустранс” МЧЖ томонидан 1226-сонли “Машинасозлар” метроси (Тошкент) - Чорбоғ (Ҳумсон қўрғони)” автобус йўналишида хизмат кўрсатиш йўлга қўйилади. Бу ҳақда “Тошшаҳартрансхизмат” АЖ ахборот хизмати хабар берди.

Йўналишга MAN RR3 русумли туристик автобуслар бириктирилади. Ушбу автобуслар 47 та ўриндиқли, шинам ва кондиционерлар билан жиҳозланган. Йўналишда йўл кира нархи 25 минг сўмни ташкил этади. Биринчи қатнов “Машинасозлар” метроси бекатидан ҳар куни соат 6:00 да бошланади. Қатновлар ҳар 1,5 соатда амалга оширилади. Қатнов вақти 1 соат 30 дақиқани ташкил этади. Сўнгги қатнов соат 20:30 да Чорбоғ томондан амалга оширилади ва соат 22:00 да “Машинасозлар” метросида тугатилади.

Йўналишдаги автобуслар ўз ҳаракатини “Машинасозлар” метросидан бошлаб, Маҳтумқули кўчаси, Янги Ўзбекистон боғи, Хожикент мавзеси, Чиноркент маскани орқали Ҳумсон қўрғонигача ҳаракатланади.

Йўналишда нақд пулда ва банк карталари орқали тўлов амалга ошириш имконияти мавжуд.

• Автобус
• Chorvoq
• Тошкент