Эртага, 19 февраль куни Тошкентда «Мен ғолиб» оммавий югуриш мусобақаси ўтказилиши муносабати билан шаҳарнинг айрим кўчаларида автомобилларнинг ҳаракатланишига вақтинчалик чекловлар ўрнатилади. Бу бўйича шаҳар ҳокимлиги ахборот берди.
Унга кўра, 2023 йилнинг 19 февраль куни соат 07:00 дан соат 09:30 гача:
– Халқлар дўстлиги санъат саройи олди майдонидан Фурқат кўчаси бўйлаб Бешёғоч кўчаси кесишган жойигача;
– Бешёғоч кўчаси бўйлаб Ислом Каримов кўчаси билан кесишган жойигача;
– Ислом Каримов кўчаси бўйлаб Амир Темур шоҳ кўчаси билан кесишган жойигача;
– Амир Темур шоҳ кўчаси бўйлаб Амир Темур хиёбони айланма йўли бўйлаб Ислом Каримов кўчаси билан кесишган жойигача;
– Ислом Каримов кўчаси бўйлаб Халқлар дўстлиги санъат саройи олди майдонигача бўлган кўчаларда автомобилларнинг ҳаракатланишига вақтинчалик чекловлар ўрнатилади.
«Ҳайдовчиларга айланма йўллардан фойдаланишни тавсия этамиз ва юзага келган ноқулайлик учун узр сўраймиз», – дейилади ҳокимлик ахборотида.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!