Тошкент шаҳар ҳокимлиги матбуот хизматининг хабар беришича, Соҳибқирон Амир Темур таваллудининг 687 йиллиги муносабати билан “Темурбеклар мактаби” ҳамда “Ёш чегарачилар” академик лицейлари ўртасида югуриш мусобақаси ўтказилиши режалаштирилган.
Шу сабабли, жорий йилнинг 2 апрель куни соат 07:00 дан 10:00 га қадар қуйидаги кўчаларда автотранспорт воситаларининг ҳаракати чекланади:

– Янгизамон кўчасининг Сайхун кўчасидан Эски Сарикўл кўчасигача бўлган қисми;

– Эски Сарикўл кўчасининг Янгизамон кўчасидан Абу Сулаймон Банокати кўчасигача бўлган қисми;

– Абу Сулаймон Банокати кўчасининг Эски Сарикўл кўчасидан Абдурауф Фитрат кўчасигача бўлган қисми;

– Абдурауф Фитрат кўчасининг Абу Сулаймон Банокати кўчасидан Янгизамон кўчасигача бўлган қисми.

Ҳайдовчиларга шу вақт оралиғида айланма йўллардан фойдаланиш тавсия қилинган.

• Тошкент