Ўзбекистонга 2023 йил январ ва декабр ойларида 30 та давлатдан умумий қиймати 197 млн 842 минг доллар миқдоридаги гуманитар ёрдам юклари кириб келди. Бу ҳақда Иқтисодиёт ва Молия вазирлигининг ҳисоботида айтиб ўтилди.

Ҳисоботга кўра, гуманитар ёрдамнинг асосий улуши қуйидаги давлатлар ҳиссасига тўғри келади:

- Германия –71 млн 379,4 минг доллар ёки ёрдамнинг 36 фоизи;
- Хитой –27 млн 467,6 минг доллар, 13,9 фоиз;
- АҚШ –23 млн 234,2 минг доллар, 11,8 фоиз;
- Белгия –22 млн 620,2 минг доллар, 11,4 фоиз;
- Швейцария –20 млн 757,8 минг доллар, 10,5 фоиз.

Кириб келган гуманитар ёрдам соҳалар кесимида:

- соғлиқни сақлашга –169 млн 233,5 минг доллар;
- ижтимоий соҳага –1 млн 244,4 минг доллар;
- экология ва атроф-муҳитни муҳофаза қилишга –943,2 минг доллар;
- таълимга –247,2 минг доллар йўналтирилган.

Ёрдамлар гуманитар ёрдам олувчи ташкилотлар бўйича:

- ССВ ҳузуридаги Санитария-эпидемиологик осойишталик ва жамоат саломатлиги хизматига –58,2 фоиз;
- “Таъминот ва логистика хизмати” унитар корхонасига –17,2 фоиз;
- Гематология илмий тадқиқот институтига–10,5 фоиз;
- “Соғлом авлод учун” халқаро хайрия фондига–11,2 фоиз улуш тўғри келади.

• Гуманитар ёрдам
• SSV