Эрон олий раҳнамоси Оятуллоҳ Али Хоманаий Бинямин Нетаняхуга ўлим жазоси бериш кераклигини айтди, дея хабар бермоқда Reuters нашри.

“Халқаро жиноий суд ҳибсга олиш учун ордер берган, бу етарли деб ўйламайман. Бу жиноий етакчига ўлим жазоси берилиши керак”, – деган Хоманаий.

Аввалроқ Халқаро жиноий суд Нетаняхуни Ғазодаги ҳарбий жиноятлари учун ҳибсга олишга ордер берган эди. Ушбу қарор 2023 йил 8 октябрдан 2024 йил 20 майга қадар содир этилган “инсониятга қарши жиноятлар ва ҳарбий жиноятлар” юзасидан қабул қилинган. 

Исроил Фаластиндаги вазият билан боғлиқ ишлар бўйича ХЖС юрисдикциясига қарши чиқмоқда.

Аксарият исроиллик сиёсатчилар бу қарорни кескин қоралашган.

Исроил президенти Исаак Герцог Халқаро жиноий суднинг ордер бериш ҳақидаги қарорини “виждонга тўғри келмайдиган ва ҳайратга соладиган” деб атаган.

Нетаняху маслаҳатчиси Дмитрий Генделман Халқаро жиноий судни Исроил позициясига эътибор бермаганликда ва Эрон бошлаган можароларни қўллаб-қувватлаганликда айблаган.

• Binyamin Netanyaxu
• Eron
• Isroil
• Халқаро жиноят суди