Исроил Бош вазири Бинямин Нетаняху Эрон халқига видеомурожаат қилиб, Исроил Теҳрон билан “зиддият истамаслигини” ва гўёки барча можаролар Эрон ҳукумати томонидан қўзғатилганлигини айтиб ўтган.

Видеохабар Исроил бош вазири идораси томонидан тарқатилган.

У Исроил ва “эркин дунёнинг бошқа мамлакатлари” Эрон халқини қўллаб-қувватлашини билдирган. Исроил бош вазирининг сўзларига кўра, 1 октябрда Исроилга бўлган ракета ҳужуми Теҳрон учун 2,3 миллиард долларга тушган.

“Исроилга қилинадиган яна бир ҳужум Эрон иқтисодиётига миллиардлаб доллар зарар келтиради. Биламан, кўпчилигингиз урушни хоҳламайсиз. Мен ҳам бу урушга қаршиман. Исроил халқи бу урушни истамайди”, – дея таъкидлаган сиёсатчи эронликларга мурожаатда.

Бу Нетаняхунинг сўнгги ойларда эронликларга қилган иккинчи мурожаатидир.

• Binyamin Netanyaxu
• Eron
• Isroil